مسج أحسن !! // داخل .. برا نختلف !!

مساء الخيرات //

مسج أحسن !! // داخل .. برا نختلف !!

بداية .. اعتذر لـ جميع من يشتكي من اسلوبي اللي شوي عامي و شوي فصحى !
ولكنه هيك يطلع من افكاري : )

السلام عليكم جميعا .. نفرا نفرا ..

}} مسج أحسن !! {{

مع التطور .. والتقدم .. والتكنولوجيا الفتاكة : )
صار عندنا طرق طويله عريضه للتواصل ..
ام اس ان .. ايميل .. موبايل .. مسج .. فلكر .. مدونة .. الخ ..!
ومع هـ التطور .. بدت علاقاتنا مع بعضنا تفتر ..
اي تصبح فاترة !
قبل اذا جتنا مناسبة .. اما اننا نروح نقوم بالواجب .. او نتصل وايضا نقوم بالواجب !
يعني في تواصل حسي .. !
اما الحين .. فـ التواصل صار ملموس غير محسوس ..!
بـ المناسبات .. نكتب مسج .. وندزه لـ درزن بشر!
ماعاد في تمييز بينهم .. ماعاد في هذا شخص خاص له شي خاص !
بس نكتب .. نحدد مجموعه .. نرسل!
شوي .. شوي .. بنصير مجرد مجتمع ملموس غير محسوس!
كلنا سوا سوا .. ماكو فرق !!!!

مجرد كلام بـ الخاطر !

}} داخل .. برا نختلف !! {{

هذا الموضوع .. انكتب من تجربه شخصية واقعية !

داخل وبرا نختلف ..
الكل يعرف ان لكل بلد قيمه .. عاداته .. تقاليده ..
انا هني بتكلم عن قيمنا احنا .. بعيدا عن اختلاف الدول ..!
يعني داخل الديرة .. عندنا معايير معينة .. هذا نسويه .. هذا لاََوبمجرد تخطينا الـ حدود .. تختلف الخلطة!
ممكن اشياء كنا نسويها عادي بديرتنا .. و برا لا ..!
وممكن العكس!
يعني برا .. نمشي عادي .. نتعلق بالشجر .. نتسلق الصخر ..نركض بالشارع .. نناقز .. نطيح .. .. عـــــــــــــــــــــــادي ..لكن عندنا اي شي من المذكور اعلاه .. عليه تحفظ ..!

ليش..؟

سؤال موجه لكم ..