تخرج :)

كنت قاعده ادور شي باليوتيوب 

وطحت ع هالفيديو

شباب متخرجين من جامعة الكويت

ومستانسين

شوفوهم

وربي يونسوون

حسيت صج معانين بالجامعه

طبعا هذي عمادة القبول والتسجيل

حيث النفسيات الجميله

والوجوه البشوشه

الله يسهل علينا

ونتخرج ان شاء الله

ولو اني حاسه اني ببلط سنتين بعد :/

 

مجرد ساعات ..!

مجرد ساعات

وتحسم

واما تكون لنا او لهم

بكل الحالتين

 اتمنى الافضل للجميع

وليس هناك افضل مما يكتبه الله لنا

اول ساعات يوم الحسم
بين يدي قائمة
بالاسماء و المواعيد وارقام الهواتف
اتمنى ان يفوا بوعدهم
يارب
قلبي مقبوض
دموع عيني منذ صباح الامس
وهي تنهمر بسبب وبلا سبب

يـــــــــــــــــــارب

raianat_al3ood

يا BB يا فلا !

صباح الخيرات جميعا ..

شلوونكم

اليوم نهاية الاسبوع الثاني من الدوام

متازمة نفسيا لأنهم مصخوها بتأخير الانتخابات

يعني لاهم اللي أخروها بمقدار يسوى

فرقت اسبوع

ولا هم خلوها بموعدها

يعني بس اهلكوا النفسيات

الله يسهل

والله يكتب الاصلح للطلبة وللكلية

اللهم آمين

بصراحه

اليوم اعلنها

اليوم اقولها

ابي BB

مدري شالطاري

مخي ضرب عليه

مع ان رفيجتي كلش ما مدحته

ما حبته

بس بخاطري اغير

عاد نحاسه لما قلت لأخوي

قال بشتريه عشان احرج

واذاجتج فلوس اخذيه مني

:/

المشكلة اللي عشانها بغير تلفوني

هم اني ما كنت مقتنعه بتلفوني الحالي

كنت رايحه بشتري شي معين

انصدمت بالغانم ان اغلب الاشياء اللي ابيها

مخلصه :/

قهروني والله

عاد حزتها كنت صج قاااااافله

قاايله ما راح ارد البيت الا مغيرة تلفوني :/

وشريته

صج عزيته عقب اسبوعين

بس الحين خلاص لازم اغيره

بعدين سؤال!

شسالفة علاليق الرقبة مالت البلاك بيري؟

شي مو طبيعي

لاشبابنا ولا بناتنا

شدعوة عليهم

شووفوا بيني وبينكم الشباب مالومهم

يعني غطا الجدر هذا ماله مكان ينشال فيه

بس البنات

ربي مو مكبر الا جناطنا

شدعوة كل وحده معلقه فونها برقبتها

:/

شوفوا انا حاطه تاريخ معين

فـ ماله داعي اطخ وما اغير

:/

 موحلوة بحقي صح؟

صج

البلاك بيريين

شرايكم فيه ؟

يستاهل العنوه ؟

تحديث

مع اني اعتقد اني افضل عليه
الـ x2

وقووووااااكم الله

الدوامات تعب + اجوبه عـ اسئلة نمووول !

مسااء الخيرات يا مدونين ومدونات

يا رقااله ويا ستاات

ثااني يوم جامعي

جدا متعب الدوام

امس ما كان زحمه

اليوم زحمه

وااي مو صج

عاد هالكورس ماخذه مواد يا تسنعني يا اسنعها هههههههه

من قلب تعب

ما ادري شاللي ضربني على قلبي

وقالي سجلي هالكثر مواد

بس تأبى المروءة

مش سااحبااهم هههههههه

اليووم افتتحت يوومي الثااني بنحشه من الكلاس

تخيلوو دشيت الكلاس

قال الدكتور

بناات يالله قوموا اشتروا الكتاب وردو المحاضره

نقدت ع الدكتوور

عطاني وصف المقرر

وقلت ان شاء الله اشوفه يوم الخميس

اماا ساالفه ارووح اجيبه واجي

باقي يوومي ..نوعا ما طيب

بس بجد من داوومت وانا احس اني مكسره

مشكلة اللي ما ياخذ صيفي

ينسى التعب اهئ اهئ

بس عااد تعبت وانا اقرق

مع السلامة




+++++


هل انا مدونة

اسم مدونتك


ريانة العود



المعنى وسبب اختياره ؟


صاحبة العود الريان
والله ما ادري بس احس اني مرتبطه بهالسم ارتباط عاطفي وثيق ^_^
احب رواق بدر بن عبدالمحسن اذا قال
ريانة العود ليت الليل تعود


الجنس ؟


انثى

لماذا تدون ؟


اولا انا حابة فكرة المدونة
وحابه ان كل كتاباتي تكون في مكان واحد
ثانيا مليت من المنتديات المليقة


لمن تدون ؟

لي اولا

انا اخترت المدونة

عشان اجمع المواضيع اللي اكتبها بمكان واحد

ثانيا : لكل من يجيبه الماوس لمدونتي

عن ماذا تدون ؟

عن كل ما يخطر فبالي وانا فاضيه

او عندي وقت ادون

قدوتك في الحياة ؟

بابا بلا منازع

لنه بنظري الانسان الوحيد

اللي تعجبني تصرفااته

وطريقة تعامله مع الكل

صغير وكبير

ومع اي شي واي موضوع

هدفك في الحياة ؟

هدفي الحالي اني اتخرج

في هدف ثاني لكنه خاص

اوصف نفسك بسطرين ؟

 مزاجيه ، اقدر الصداقات بشكل كبير

اعطي فوق طاقتي واتعب اوقف مرة وحده ، ما احب ارد احد

اكثر صفه تنطبق عليك ؟

مزاجيه

كاتبك او آديبك المفضل ؟

ماكو احد معين

تهمني المادة اكثر من الاسم

شاعرك المفضل ؟

خالد الفيصل ، بدر بن عبدالمحسن ، فايق عبدالجليل

اين ترى نفس بعد ١٠ سنوات ؟

ان شاء الله يوصل عدد المتابعين لمدونتي 500 الف :)
في مكان انا متوقعته وكثير بعيد عن المستوى اللي انا وصلته الحين
طموحي كبير
بس ان شاء الله اقدر اوصل للي ابيه

 

كلمة لقراء مدونتك ؟

حياكم الله متابعتكم افتخر فيها