صباح الخيرات جميعا ..
شلوونكم
اليوم نهاية الاسبوع الثاني من الدوام
متازمة نفسيا لأنهم مصخوها بتأخير الانتخابات
يعني لاهم اللي أخروها بمقدار يسوى
فرقت اسبوع
ولا هم خلوها بموعدها
يعني بس اهلكوا النفسيات
الله يسهل
والله يكتب الاصلح للطلبة وللكلية
اللهم آمين
بصراحه
اليوم اعلنها
اليوم اقولها
ابي BB
مدري شالطاري
مخي ضرب عليه
مع ان رفيجتي كلش ما مدحته
ما حبته
بس بخاطري اغير
عاد نحاسه لما قلت لأخوي
قال بشتريه عشان احرج
واذاجتج فلوس اخذيه مني
:/
المشكلة اللي عشانها بغير تلفوني
هم اني ما كنت مقتنعه بتلفوني الحالي
كنت رايحه بشتري شي معين
انصدمت بالغانم ان اغلب الاشياء اللي ابيها
مخلصه :/
قهروني والله
عاد حزتها كنت صج قاااااافله
قاايله ما راح ارد البيت الا مغيرة تلفوني :/
وشريته
صج عزيته عقب اسبوعين
بس الحين خلاص لازم اغيره
بعدين سؤال!
شسالفة علاليق الرقبة مالت البلاك بيري؟
شي مو طبيعي
لاشبابنا ولا بناتنا
شدعوة عليهم
شووفوا بيني وبينكم الشباب مالومهم
يعني غطا الجدر هذا ماله مكان ينشال فيه
بس البنات
ربي مو مكبر الا جناطنا
شدعوة كل وحده معلقه فونها برقبتها
:/
شوفوا انا حاطه تاريخ معين
فـ ماله داعي اطخ وما اغير
:/
موحلوة بحقي صح؟
صج
البلاك بيريين
شرايكم فيه ؟
يستاهل العنوه ؟
تحديث
مع اني اعتقد اني افضل عليه
الـ x2
تحديث
مع اني اعتقد اني افضل عليه
الـ x2
وقووووااااكم الله
7 comments:
توكلي على الله وغمضي عينج واخذي نفس وطقي لج بلاك بيري
أنا حزين..
شريت لي اي فون..و يا زعم انه مو مقفل من الشركة..
يعني يشتغل على كل بطاقة sim
و أقدر اسوي عليه اب ديت بدون مشاكل..
وصلني :)..و فللللله...لكن بعد اسبوعين من استعمالي له..
اليوم سويت اب ديت..
لأكتشف..
أنه انقص علي..و لا هو مفتوح من الشركه و لا هم يحزنون..
و الحين انقفل..و ما اقدر استعمله...
يصيير ادعي على اللي باعني اياه؟؟
:(
===
البلاك بيري..
في ناس تاخذه من مبدأ...مع الخيل يا شقره..
ف لا تكونين منهم
و في ناس ياخذونه لأنهم فعلا بيستفيدون من تطبيقاته
عموما..الله يهنيك و يبارك لك..سواء خذتيه او ما خذتيه..
:)
منو بالجامعة ما عندة بلاك بيري
حدج راح تستفيدين من الخدمة
^^
أول خذته اختي، بعدين أخوي، و كل جمعة قمت اشوف واحد يديد بالعايلة ماخذه!
تسلفته يومين من اخوي برجبه، رجعته له خلال 12 ساعة .. لاعت جبدي منه
مو عارف السر فيه اهو و لا فيني أنا! مو قادر ابلعه او استسيغه نهائيا
فهد العسكر
والله لي الحين
مو قادرة ابلعه عدل
احسه باط جبدي :/
ههههههههههههه
جنون عاقل
يصير تدعي عليه
انا ابي اغير..
بس لي الحين
ما ثبت شرعا اني اخذه
برنسس
بسبب هالنقطه ما ودي فيه
الكل بلاك بيري :/
سفيد
السر فيه
لأني حتى انا لي الحين ما بلعته
انا يهمني النت حيل بالموبايل
والتصوير بعد
فعشان جذي ابي افضل منه
وان شاء الله بلقى
شكرا ع المرور جميعا :)
عن نفسي
حبيييييته حيييل
مع إني كنت اكرهه قببل
ونوعي اعلق على اللي عندهم بلاك بيري
بس الحب بلاااء والا شرايج لووول
واايد استخدم النت
ونوعي اخذ لابي وين ماروح معااي
فـ الحين اللاب استرااح بالبيت
والبي بي معاي وين ما اروح
فكني من الشقلة واللوية
وفكني من حوسة الابلات بـ لابي كل شوي
يعني مستحيل يمسكون تلفوني
مادري استفدت منه حيييل
المهم اذا شريتي ضيفي الـ pin تبعي لووول وخنصير اصدقاء بلاك بيرياات لووول
Post a Comment