السلام عليكم ..
مسااكم الله بكل سرور .. وبأجمل قطرات مطر ..
الله لا يحرمنا من هالمطر اللي زين الديرة :)
****
دائما تعودت اكتب كـ فعل !
بس اليوم بـكتب كـ رد فعل !
كاتبة الله يهداها اشغلتنا !
معروفة بالاوساط الشعبية !
رازة صورتها و مشخطة بالاوادم !
فـ تقول لفلان .. قصائدك ما تجذب ، ولكن انت جميل ، وانت الذي تجذب الجماهير النسائية وليس قصائدك !
وتقول لـ فلان .. بما معناه انك لست جاد بقصائدك وتحتاج الـ تكانة !
وتقول لـ من تظن انهم يقرؤون لها .. لا تلتفتوا لجمالي .. وشوفوا شنو اكتب !
و تكتب قصة قصيرة
لا علاقة لبدايتها بـ منتصفها.. بـ نهايتها !!
اقسم بالله ..
ان قصتها القصيرة التي تحملتها طرف ورقة بجريدة مجانية !
لم استطع اكمال قرائتها ,, ! ، واكملتها " من ورا خاطري " لاكون منصفة بتعليقي
فـ هي تبدأ .. بأنها سافرت الى لندن ، و تذكرت معسول اللسان ، جميل الكلام ، حبيبها ،
اتصلت عليه ، نامت ، ليصلها "مسج من المقرود السابق ذكره" ، فترد عليه بـ " الديناصور قعد من النوم "
تختم القصة بانها ذهبت تتمشى في احد شارع لندن التي تنتقد رواده التي تقول انهم "عقد" بفتج الـ "ع" و "ق"
وانهم كلهم يتمشون لأنهم فاضين ،
طيب انتقديتهم ، وتتمشين نفسهم !!
المهم تختم بانها لاقت استحسان الجماهير و غازلوها وانهم سخيفين !!
يا عباد الله .. اين الترابط ؟؟؟
ما "يبط جبدي" الا انها تجمع العديد من الفتيات حولها
في ممر من ممرات الكلية المزدحمة .. وتبدا بسرد قصتها المعهودة
خانوني .. ما يدقون علي .. انا ضعفت 15 كيلو من القهر !
الله يهداج بس !
ما احب اشخط بالاوادم !
ولكنها زوودتها !
ما احب اشخط بالاوادم !
ولكنها زوودتها !
***
وبــــــس !!
10 comments:
منو هي ؟
المهم شخبارج ؟
هدي اعصابج
وشربي قهوة فرنسية بـ سواح
لا تطوفج : )
وخللي عنج هالأشكال واشتري راحتج : ))
لا تحرين روحج إذا كبرتيها تكبر و إن صغرتيها تصغر، الأمر بهذه البساطة
اللي يعرف يقيّم يعرف يفرّق
:)
ودي اعرف منو هاذي ؟
نظامها تتشيحط وماعندها سالفة :/
شكلج طلعتي اللي بقلبج
يعطيج العافية ^^
البعض لا يرى عيوبه..
و يتجرأ على ان ينتقد عيوب الناس..
لا اقصد الكاتبة بالتحديد..
و لكني اتكلم بشكل عام..
دمتي بخير
و بلا ناس تبط جبدك :)
تحياتي
مروا علي ناس هالنمونة
تعوض النقص الي تعاني منه
سواء بالحنان او باهتمام الاخرين او غيرة بالاخرين ..وتقعد يا تتكلم عن نفسها انا وانا او تطلع عيوب بالثانيين
فيهم وسوو وما يعرفون ..
مادري شنو الحل مع هالصنف
شكراً
شهد
هلا والله
انا تمام .. انتي شلوونج ؟
يبيلي زيارة لسواح
انا مخليتها من زمان ، بس هاليومين المزاج مش ولابد
فـ صرقعت مشاعري :)
شكرا للمرور المنووووور
ديما
مو محترة
بس استغرب ليش تنتقد خارج عن الموضوع !
يعني المفروض تنقد نصوص
قصص قصائد
!
مو جذي !
شكرا للمرووور :)
برنسس
بالضبط طلعت اللي بخاطري
شكرا ع الزيارة
جنون عاقل
عين الصواب
شكرا لك
نمووول
مالهم حل
بس الله يهدااهم !!
شكرا للمرور والتحليل النفسي
Post a Comment